اختفاء طفلة في مستشفي للكاتب اسلام احمد

اكلموا في الوقت دا واستنيت لما الصبح جه ونزلت رحت القسم بس لقيت في قلق وناس كتير ملمومة ولاحظت ان في ناس من اهالي الاطفال اللي اختفت موجودة في المستشفي كان باين علي وشهم انهم متعصابين اوي عشان كده بصراحة تراجعت اني ادخل ويشوفني مكنتش عارف ايه ممكن يحصل قلت ابقي اجي وقت تاني لحسين واقوله علي اللي حصل وبالفعل جيت امشي لقيت في حد مسكني من دراعي وسحبني لورا وهو بيقول بعصبية انت كمان هنا اما هسيبك لحد ما تجيبلي ابني اللي ضاع في الستشفي بتعتك الراجل مسكني من الهدوم اللي كنت لابسها وفي الوقت دا لقيت بقت لمة حواليا من اهالي الاطفال اللي ضايعة في اللحظة دي مكنتش عارف اعمل ايه لكن بسرعة العساكر اللي موجودة بعدت الناس دي وجه حسين سحبني ودخلني جوا في القسم وهو بيقول انت ايه اللي جابك دلوقتي
د حمزةانا في حاجة مهمة عايز اقولك عليها ياحسين.
حسين قعدني وقال تمام سمعني
د حمزة انا امبارح بالليل قومت علي صوت رن التليفون بتاعي ولقيت رقم غريب بيرن عليا فتحت عليه وفجأة بلاقي حد بيقول الحقنا يادكتور ارجوك وقبل ما اعرف مين اللي بيقول كده لقيت المكالمة قطعت رنيت عليه مرة تانية لقيت الموبيل اتقفل.
الظابط حسين فكر للحظات في اللي قلتله عليه قبل ما يتكلم وبعدين قال طيب اديني الرقم اللي كلمك دا كده
اديته الرقم ولقيته قام من مكانه وقالي دقيقة وراجعلك تاني .
بالفعل شوية وارجعلي وقعد قدامي علي الكرسي وقال تفتكر يكون مين صاحب الصوت يعني فكر شوية يكون حد تعرفوا لان اكيد هو عارفك كويس وكلمك.
فكرت شوية بالفعل زي ما قال وبعدين قلتله انا مش عارف بصراحة اميز صوته بصوت حد اعرفوا يعني اكيد لو حد اعرفوا اوي يمكن كنت عرفت صوته لكن الصوت دا مش عارف احدد هو صوت مين بالظبط .
ظ حسين يعني مش ممكن يكون صوت دكتور خالد؟
حمزة بأستغراب معتقدش يكون صوت خالد لا دا صوت رفيع وصوت خالد تخين.
ظ حسين عموما خليك فاتح تليفونك لو كلمك تاني افهم منه هو مين وبيستنجد من ايه واحنا هتابع الرقم اول ما يفتح ونعرف مكانه فين بس المهم يا حمزة دلوقتي تخليك ملتزم بيتك اليومين دول معلش لحد ما الموضوع يهدي لان زي مانت شايف اهالي الاطفال اللي اختفت في المستشفي قلبهم مخلوع عليهم دا في ناس قاعدين قدام المستشفي عندهم امل ان في طفل يخرج مش عارف ازاي المهم انك تخليك بعيد شوية.
د حمزة هو انا مش عارف انا ذنبي ايه في اللي حصل انا زيي زيهم معرفش الاطفال دي اختفت ازاي و لا مين اللي خطفهم وبجد انا بدور ونفسي اعرف لكن الاهالي جايبة المسؤولية كلها عليا انا ومش صابرين لحد ما نفهم ونعرف.
حسين بيقف وبيقول خير ان شاءالله وانا حاسس اننا بنقرب بقف من مكاني وبقوم عشان امشي لكن بيدخل في اللحظة دي راجل كبير في السن وباين انوا تعبان اوي ومش قادر يقف الراجل دا مكانتش اول مرة اشوفوا اتكلم بتعب شديد وقال وهو مش قادر ياخد نفسوا انا في عرضك ياحضرة الظابط انا عايزك تجيبلي حقي انا عايز حقي ياحضرة الظابط الظابط حسين حاول يفهم منه ماله بس الراجل فضل يكرر في الجملة لحد ماوقع علي الارض فجأة بسرعة طلبنا الاسعاف وجت اخدتوا رحت انا وحسين معاه المستشفي بس الدكتور لما كشف عليه قال انوا حالته صعبة ومش هينفع حد يتكلم معاه دلوقتي ممكن لما يفوق وحالته استقرت يقدر الظابط حسين يفهم منه في الوقت دا جت مكالمة لحسين من القسم حسين بص ليا وقال الرقم اللي كلمك فتح تليفونه وعرفنا مكانه خرجنا بسرعة انا وحسين وركبت العربية مع حسين ورحنا علي المكان المتواجد فيه صاحب الرقم المكان كان بعيد شوية في قرية ريفية قلتله حسين انت عامل حسابك ومعاك عساكر ولا احنا كده بطولنا
حسين رد وهو مركز في الطريق بيبص في الجي بي اس مش عايزك تقلق خالص قال الجملة دي وفضل سايق ومكمل بالعربية لحد ما دخلنا علي طريق زراعي مفيهاش مباني غير اراضي زراعية وبس فجأة لقيت حسين وقف بالعربية وبيبص للموبيل بتاعه وهو بيقول بعصبية المكان المحدد اختفي صاحب الرقم قفل تليفونه تاني بس احنا كده في المكان الصح
د حمزة يعني كده احنا وصلنا صح
ظ حسين اه احنا اعتبر وصلنا بس محتاجين نمشي يمين في الزراعة ومش هينفع ندخل بالعربية في الزراعة.
د حمزة بقلق حسين انا مش مطمن وخصوصا اننا بطولنا هنا واحنا مش عارفين ايه مستنينا في المكان دا اللي رايحينوا.
ظ حسين في ايه يادكتور متجمد كده مكنتش اعرف ان قلبك ضعيف كده.
مشيت مع حسين في الارض الزراعية اللي كانت قصب دخلنا وسط القصب واحنا مش عارفين هنوصل لفين حسين مش لقدام اوي في القصب لدرجة اني مبقتش شايفوا ندهت عليهحسين انت فين سمعت صوتوا من بعيد وهو بيقولتعالي انا هنا يادكتور مشيت ناحية صوتوا لحد ما فجأة لقيت ان في صوت رجلين حواليا والصوت كان بيقرب اكتر واكتر في الوقت دا بلعت رقي بصعوبة وانا بحاول امشي بسرعة واوصل لحسين لكن في اللحظة دي لقيت ايدي سحبتني لورا وحد خبطني علي راسي فقدت الوعي ومشفتش حاجة قدامي
فتحت عيني لقيت نفسي في المستشفي نايم علي سرير ومفيش حد حواليا بحاول اتذكر اللي حصلي لكن مش فقادر افتكر غير اخر حاجة لما اتخبطت علي راسي من حد معرفوش وفي الوقت دا سألت نفسي مين اللي جابني هنا وياتري حسين حصلوا ايه بعد شوية لقيت الشخص اللي جابني المستشفي هنا داخل من الباب كان حسين قرب مني وقعد علي الكرسي اللي جنب السرير اللي انا نايم عليه ولقيته قالحمدالله علي السلام 
د حمزة هو ايه اللي حصل انا فجأة حد خبطني علي دماغي وفقدت الوعي دا مكانش واحد دا انا حسيت انهم اكتر من واحد بس مشفتش حد فيهم.
الغريب ان حسين فضل باصص ليا لثواني معدودة ومردش عليا ولا اداني جواب علي طول لكن لقيته بيقولي متفكرش في حاجة دلوقتي لما تروق وتبقي كويس هافهمك كل حاجة بس انا عايز اقولك علي اهم حاجة وصلنا ليها في مشوارنا دا.
د حمزة هو احنا وصلنا لحاجة في مشوارنا دا 
ظ حسين اكيد طبعا امال قدامك هنا ليه احنا لقينا فردين الامن اللي كانوا مختفيين تصدق انهم مكانوش هاربين.
د حمزة امال كانوا فين دول
ظ حسين كانوا مخطفوين 
د حمزة بأستغراب مخطوفين! ومين اللي كان خاطفهم وخاطفهم ليه.
ظ حسين تفتكر انت كانوا مخطفوين ليه فكر كده وقولي
د حمزة بتفكير يمكن عشان هما مشتركين مع المجرم اللي بيخطف الاطفال دي وعشان الشرطة بتحقق معاهم المجرم يخاف يقولوا حاجة عليه عشان كده خطفهم صح كده.
ظ حسين للاسف مش صح اللي كان خاطف افراد الامن الاتنين ناس من اهالي الاطفال المخطوفين وكانوا خاطفين افراد الامن يمكن يعرفوا منهم بنتهم راحت فين لما رحنا المكان انا وانت تبع الرقم اللي كلمك لقيت فردين الامن الاتنين مربوطين ومضروبين لحد ما فاقدين الوعي وفي اللحظة دي كانوا عاملين لينا كمين وضربوك علي راسك لكن لما وصلوا عندي كانت القوة بتاعت حاصرتهم ومسكوهم وهنا يكونوا ارتكبوا الخطأ اللي كانوا خايفين منوا وبرضوا موصلوش لحاجة.
د حمزة كده انا فهمت بس فين افراد الامن دلوقتي
ظ حسين للاسف الضرب أثر عليهم وحالتهم صعبة وفاقدين الوعي يعني عشان ناخد منهم كلمتين مقدرناش اتمني ميحصلش ليهم حاجة.
د حمزة حاسس اننا موصلناش لحاجة برضوا
ظ حسين بالعكس احنا بنقرب
في اللحظة دي بيرن تليفون حسين اللي ديما بيبقي وراه مكالمة مهمة ودا طبيعي لانوا ظابط مباحث حسين رد علي التليفون وبعدين بص ليا وقال انت قادر تمشي
د حمزة اه اقدر بس ليه بتسألني السؤال دا
ظ حسين احنا لازم نروح المستشفي دلوقتي
د حمزة أي مستشفي؟
ظ حسين المستشفي اللي انت فيها
د حمزة ليه! هنعمل ايه هناك مش فاهم.
حسين سحبني قومني وقال هفهمك في الطريق ولقيته بيقولي واحنا في طريقنا للمستشفي في ناس من اهالي الاطفال اللي قاعدين قدام المستشفي بيقولوا انهم سامعوا صوت حركة في المستشفي وكأن في حركة جوا
د حمزة بأستغراب ازاي والمستشفي مقفولة 
ظ حسين هو دا اللي بتكلم فيه ازاي مستشفي مقفولة ومفيش حد يقدر يدخل ولا يطلع من الحراسة اللي عليها
د حمزة ما يمكن الناس بتقول أي كلام ومفيش حاجة زي ما بيقولوا ويبقي تضييع وقت علي الفاضي
ظ حسين مانا اللي كلمني في التليفون حد من الحرس اللي واقفين علي الباب اللي جوا في المستشفي وقال انهم فعلا حسوا بحركة جوا المستشفي
د حمزة بس انا عارف ومتأكد اننا مش هنلاقي حاجة وهنروح علي الفاضي بس يعني اللي يريحك
ظ حسين بأستغراب لو مفيش حد امال هيكون ايه يعني عفاريت مثلا المستشفي مسكونة
د حمزة بضحك ماهو دا اللي ناقص كمان هو ممكن يكون كلب او قط دخلوا وعملوا صوت جوا
ظ حسين والله كل شئ وارد هنروح ونشوف عشان نطمن الناس ونطمن احنا كمان
وصلنا قدام المستشفي كانت في لمة وظيطة قدام المستشفي من اهالي الاطفال المختفيين والعدد كبر كده اكيد لما سمعوا ان في حد جوا المستشفي كل واحد بقي يقول من الاهالي انوا ابنوا اللي جوا و محبوس او بنته حسين حاول يهدي الناس ويطمنهم وهو هيدخل وهيشوف بنفسوا ايه اللي جوا وبالفعل الاهالي سكتوا وسمعوا كلام حسين فتحنا باب المستشفي ودخلت انا وحسين بس كنا مشيين في الطرقة مفيش صوت ولا حركة ولا أي حاجة المستشفي مضلمة مفيش غير ضوء بسيط للشمس اتكلمت في الوقت وقلت قلتلك ياحسين مفيش حاجة الناس بيتهيألها بس ان في صوت
ظ حسين استني بس يا حمزة احنا لسه مدخلناش جوا لما ندخل هنعرف هل فعلا في حاجة ولا لا.
بالفعل دخلنا جوا وفتحنا الاوض المقفولة كلها بتاعت الدور الاول كلها كمان وبصينا فيها لحد ما وصلنا للممر الممر اللي فيه اوضة الدكتور خالد واللي فيه اختفوا الاطفال واتعطلت الكاميرا بتعته لما وصلنا الممر دا حسين سمع صوت ودا خلاه يقول سامع!
د حمزة سامع ايه مفيش حاجة
ظ حسين لا انا سمعت صوت دلوقتي اول ماوصلنا للمر دا.
ولقيت حسين دخل لجوا في الممر لحد ماوصل للاوضة المقفولة تبع الدكتور خالد حسين مسك القفل بتاع الاوضة وقال