اختفاء طفلة في مستشفي للكاتب اسلام احمد
المحتويات
عملت اللي عليك لكن مش من حقك تتهجم علي مستشفي والناس اللي فيها انا ممكن دلوقتي اقبض عليك انت ورجالتك بتهمة التعدي مؤظف حكومي وعلي ممتلكات عامة وحكوميا بس انا تقديرا للوضع اللي انتوا فيه مش هاعمل كده وهسيبك تروح انت ورجالتك دلوقتي وبالفعل راتب بيبص حواليه لراجلته بعد الكلمتين دول وبياخد رجالته وبيمشي بشكر حسين علي انوا لحق الوضع حسين بيرد وبيقول دا واجبنا المهم دلوقتي انا عايز منك حاجة انا عايز عنوان خالد عشان احنا محتاجين نتكلم معاه
د حمزة تمام حاضر.
ظ حسين وحاجة كمان عايزينك تبقي معانا ياحمزة معلش
د حمزة معاكم! معاكم ليه انا عندي المستشفي هنا مقدرش اسيبها مانت عارف ياحسين انا المدير وكل حاجة مسؤولة مني.
ظ حسين معلش احنا مش هناخد من وقتك كتير ياصحبي بس دا طلب اخوي عشان انت صاحب عمري محتاجك معايا بس
مكنتش عارف ولا فاهم حسين عايزيني في ايه معاه لكن مكانش ينفع اقولك لا وبالفعل بنروح البلد لبيت الدكتور خالد وبنخبط علي الباب بس محدش بيفتح لينا ولا بيرد حسين بيبصلي وبيقول انت متأكد ان دا بيت دكتور خالد
د حمزة أه طبعا متأكد انا جيت عندوا هنا اكتر من مرة كان عازمني فيهم ومرة يوم وفاة والدوا.
في اللحظة اللي بنخبط فيها علي بيت الدكتور خالد في شخص خرج من البيت اللي جنبهم وجه ناحيتنا وقال انتم عايزين مين رديت عليهعايزين الدكتور خالد بس احنا بقالنا وقت بنخبط ومحدش بيرد.
الجار ماهو مفيش حد هيرد عليكم يابيه لان الدكتور اخد والدته واختوا وعزلوا من كام يوم كده.
في اللحظة دي حسين بيقرب مني وبيقول عزلوا راح فين دا هو مش المفروض يكون قالك او حكالك عن موضوع النقل دا ياحمزة
د حمزة بأستغراب للاسف مقاليش ولا حكالي ولا اتكلمنا من ساعت ما اخد الاجازة دي اصلا خالد كان غريب اخر يومين شوفته في المستشفي.
الظابط حسين بينتبه لكلمتي وبيقول كان غريب ازاي يعني!
د حمزة كنت حاسس ان في حاجة معاه كان دايما شارد مش مركز اوي ولما سألته مالك كان بيقولي مفيش حاجة بس كان باين عليه اوي ان في حاجة هو مش عايز يحكيها.
حسين بان علي وشه الاندهاش واتكلم بأستغراب وقال انت ليه مقلتليش الكلام دا يا دكتور حمزة يعني انت شايف اننا بنسأل علي دكتور خالد وبنحقق مع كل شخص اظن اني كنت مستني تقولي معلومات زي دي.
د حمزة بتوتر يمكن مجاتش فرصة لكن ملحوقة انا حكيت اهو اللي انت كنت عايزوا تسمعوا يا حسين.
حسين
الجار الله اعلم بكل واحد يابيه هو ولا اهلوا ماكنوش مخطلتين بينا او بحد ومكانوش بيحكوا مع أي حد مفيش غير صباح الخير او مساء الخير وبس احنا صحينا الصبح لقيناهم عزلوا ومحدش يعرف هما عزلوا راحوا علي فين.
في الوقت دا وبعد كلام الجار حسيت ان خالد وراه حاجة ودا كان نفس احساس حسين بعد اللي سمعوا و اللي عرفوا عن خالد في لحظة ماحنا واقفين لقيت تليفوني بيرن كانت مكالمة دكتور اشرف من المستشفي اول ما فتحت عليه لقيته بيقول بخوف وقلق اللحقنا يادكتور حمزة اهالي الاطفال عاملين مظاهرات قدام المستشفي وعايزين يهجموا عليها وبيقولوا عايزين اولادنا وبيضربونا بالطوب والقزايز اللحقنا يادكتور ارجوك وبسرعة.
قفلت المكالمة بسرعة وقلت لحسين اللي بيحصل وبسرعة رحنا علي المستشفي كانت في ناس كتير ملمومة والامن قافل البواب بس مش قادرين يسيطروا علي الوضع من شدة هجوم اهالي الاطفال المختفية الظابط حسين كان شايف الوضع معقد شوية بس مكانش ينفع ياخد قرار ولا يعمل حاجة الا لما يرجع للادارة ومن الجهة تم التفاهم مع الاهالي حسين كلمني وقال حمزة يؤسفني ان اقولك ان جه قرار بغلق المستشفي ونقل العيانين لمستشفي تانية لحين ما نخلص من التحقيق في قضايا الاختفاء بتاعت الاطفال.
اتصدمت من القرار وحاولت مع حسين لكن قال ان دا قرار من فوق ومش بأيدوا حاجة يعملها وان دا افضل علي ما تخلص القضايا دي ويتعرف السر اللي ورا اختفاء الاطفال استسلمت للأمر الواقع بس الموضوع مخلصش علي كده خرج استدعاء من القسم لكل العاملين في المستشفي وهيتم التحقيق من الاول وانا اول الحاضرين واول المتحقق معاهم حتي مع ظابط مباحث تاني غير حسين مش عارف ليه بدأ التحقيق وقال دكتور حمزة انت المسؤول الاساسي قدامي دلوقتي عن أي حاجة بتحصل في المستشفي احنا حققنا مع الامن هما مشتبه فيهم وهما المسؤولين عن الكاميرات بس مش معني كده انهم هما اللي عطلوا الكاميرا بمعني اصح وادق ان مفيش عليهم دليل هما بس مشتبه فيهم زي ما أي حد موجود في مستشفي وشغال فيها مشتبه فيه.
د حمزة انا فاهم اللي حضرتك بتقولوا اللي مش فاهموا ان حضرتك عايز توصل لايه او بتقولي كده ليه .
ظابط بقولك كده بصفتك مدير المستشفي اللي حصل فيها اختفاء الاطفال دي وكمان بصفة ان الدكتور خالد اللي محدش عارف راح فين صحبك
د حمزة بتوتر اكيد يافندم عايزها اشتغل بس انا قلت كل اللي عندي وتقريبا معنديش حاجة تاني ممكن اقولها انا نفسي نوصل للي بيعمل كده النهاردة قبل بكره.
طابط تمام اظن انك تقدر تتفضل دلوقتي يادكتور حمزة.
بخرج من عند ظابط المباحث اللي هو مش حسين لان حسين مرضيش يحقق معايا بنسفوا يمكن عشان ميبقاش في تعاطف بأسم الصحوبية اللي بينا بس انا حاسس ان الموضوع بيتعقد وبيبوظ
بيدخل عند ظابط المباحث دكتور اشرف اللي معانا في المستشفي واللي بيبقي شغال في الدور التاني اللي فوقينا بيقعد قدام ظابط المباحث وبيبدأ التحقيق معاه دكتور اشرف بما انك دكتور في المستشفي اللي حصلت فيها جرائم الخطف ملاحظتش أي حاجة غريبة او في أي معلومة ممكن تفيدنا نوصل بيها للي بيعمل كده.
د اشرف والله انا شغال في الدور اللي فوق مع نفسي يعني اكيد معرفش باللي بيجرا تحت واظن يافندم ان كل عمليات الاختفاء كانت في الدور اللي تحت المسؤول الاول عن اللي حصل هما اللي شغالين في الدور اللي تحت وهما المفروض يكون عارفين بكل اللي بيحصل.
ظابط اكيد اكيد كلام مظبوط بس حققنا معاهم والتحقيق مع المستشفي كلها مش للدور اللي اختفوا فيه الاطفال أي حد شغال في المستشفي دي مسؤول قدامنا علي اللي حصل فلو في أي حاجة تعرفها او شوفتها غريبة ممكن تفيدنا زي مثلا الدكتور خالد اللي اخد اجازة واختفي فجأة اكيد كان زميلك وكنتوا بتتكلموا يعني لو قبل ما يمشي يكون قالك حاجة.
د اشرف لا لا مقاليش حاجة ولا بنتقابل اصلا هو اصلا قليل الكلام مع اللي حواليه عشان كده مش بنتكلم كتير.
بعد ما تم التحقيق مع الدكاترة ومفيش أي جديد بعتوا للأمن مرة تانية المسؤولين عن مراقبة الكاميرات بس الغريبة انهم اختفوا تماما ومحدش عارف راحوا علي فين الشرطة فتشت عليهم في كل مكان لكن ملقيهمش في الوقت دا اتعرف ان كده مسؤولين الامن ليهم يد في اختفاء الاطفال عشان كده خافوا وهربوا وفي اللحظة اللي كنت واقف فيها في القسم في التحقيق سمعت دوشة كبيرة جاية من بره القسم لما دخلوا عرفت مين السبب الدوشة كانوا اهل الطفلة اللي اختفت و كانوا عاملين ظيطة ودوشة خرج ظابط المباحث وهو بيزعق فيهم ايه الدوشة دي منك ليه؟
الصعيدي انتوا لحد مجبتوش بنتنا اللي
ظابط بزعيق احنا بنشوف شغلنا كويس ومتزعقش ولا ترفع صوتك مرة والا هحبسك انت واللي معاك انت فاهم.
الصعيدي فاهم يا حضرة الظابط بس في حاجة عايز اقولها لحضرتك احنا عملنا اللي علينا وبلغناكم ان بنتنا اختفت بس انتم معرفتوش توصلوا للخطفها وتجبوها احنا بقي هنعرف نجيب بنتنا من اللي خطفها كويس.
الراجل الصعيدي قال الكلمتين دول ومشي هو واللي معاه عشان كده طلع امر بمراقبة أي حد من اهل البنت لان في لحظة غضب علي بنتهم ممكن يرتكبوا أي جريمة بسبب تهورهم وقلقهم علي بنتهم حسين خرج ووقف قدامي وقال لازم نلاقي دكتور خالد ونجيبوا ونحقق معاه .
د حمزة تمام بس هو فين ماحنا رحنا بيته ولقيناه مشي هو واهلوا شغلك انت بقي ياحسين بيه تعرف توصلوا مكان ماهو قاعد.
حسين عارف انوا شغلي بس انت كان لازم تساعدني ياحمزة عشان شغلك المستشفي اتقفلت وانت وقفت عن العمل وعشان كله دا يرجع لازم نوصل لخيط يحل كله دا ونوصل للأطفال اللي اختفت.
د حمزة انا معاك قولي بس اقدر اساعدك في ايه وانا اساعدك
ظ حسين تقدر تساعدني في ان لو كلمك دكتور خالد تعرف منوا ساكن فين او تكلمني علي طول وانا هاتصرف.
د حمزة اكيد طبعا حاضر بس انا بقالي من الصبح هنا واحنا حاليا بالليل يعني لو ممكن اروح اريح شوية لان اليومين اللي عدوا دول فرهدة.
ظ حسين اه طبعا تقدر تروح دلوقتي ياحمزة بس زي ما اتفقنا تكلمني لو في أي جديد عن دكتور خالد او علي القضية كلها وانا لما احتاجك برضوا هكلمك.
روحت البيت مكنتش حاسس بجسمي دماغي كانت فيها كمية دوشة مش قادر اخرج منها لدرجة اني حسيت بصداع شديد في راسي مكنتش قادر اركز في أي حاجة حواليا اخدت دوش ورحت ناحية السرير واترميت عليه ورحت في النوم بس منمتش كتير لأني قومت علي صوت تليفوني اللي كان بيرن لما بصيت عشان اشوف مين اللي بيرن عليا في وقت زي دا كان رقم غريب ومش مسجل عندي رديت عليه الو ..مين
المتصل الو الحقنا يادكتور حمزة الحقنا ارجوك
د حمزة مين بيتكلم الو مين!
الخط قطع قبل ما اعرف الشخص دا مين وايه اللي يخليه يكلمني ويقولي الحقني!
رنيت تاني علي الرقم لكن لقيته غير متاح الموبيل بتاع الشخص اللي كلمني اتقفل قعدت شوية مكاني مش قادر انام بعد ماكنت عايز انام النوم راح من عيني فكرت ارن علي حسين واقوله عشان هو قال بلغني
متابعة القراءة
