حكاية مدام سحر للكاتب اسلام احمد

لكن لما بوصل البيت عندي بتفأجئ ان الشرطة وظابط المباحث واقفين قدام الباب بتاعي ،بقرب منهم وانا مستغرب وجودهم قدام باب بيتي في اللحظة دي لما يقرب عليهم الظابط بيسألني وهو بيحط التليفون بتاعه في وشي وبيقول مش دا رقمك يرضوا ، ببص فى الرقم وبالفعل بيكون رقمي ،
بهز راسي ويقول ايوه مظبوط يا فندم هو دا الرقم بتاعي ، خير في ايه
الظابط فى ان حضرتك مش يترد على تليفونك النهاردة كله واحنا بنتصل بيك ، تقدر تقولي ليه موبايلك مقفول 
خالد موبیلی یافندم مقفول عشان فاصل شحن وانا سايبوا من ساعت ما خرجت الصيح عشان يشحن و،خرجت عشان ادور على مراتي وابني المتغيبين، خير يا باشا في جديد .
الظابط عايزينك معانا في مشوار كده
خالد مشوار ايه
الظابط تعالى معانا وانت تعرف .
بروح مع الظابط وانا مستغرب وبفكر يكون عايزني في ايه ، بس بيجي في دماغي
تفكير ويقوله هو فى جديد بخصوص مراتى وايني ، الطابط بيبص ليا وبيقول كلمة واحدة بس متستعجلش ، بعد كده بيبص قدامه وبيسكت،
ركبت العربية مع الشرطة وبعدين لقيت وقفنا في مكان، المكان دا بيكون مستنين فيه حمايا وحماتي، بيركبهم الظابط العربية معانا

وينروح المكان وبنوصل لغرفة مقفولة، الظابط بيقف عند باب الغرفة وبيبص لينا وبعدين
بيقول دلوقتي انتوا هتتعرفوا على جثة تشابه مواصفات سحر
كلنا في اللحظة دي بيبان على وشوشنا التوتر والقلق ، بندخل الفرقة ويبقى في جثة متغطية قدامنا ، القلق بيزيد فى الوقت دا، الظابط بيقرب للجثة و بعدين بيحط ايدوا على الغطا و بيسحبوا من عليها ،في اللحظة دي بنقرب كلنا وبنبص على وش الجثة، وفي اللحظة بتصدم انها فعلا هي جثة سحر، في الوقت دا والدت سحر بتزعق وبتصره بصوت عالي وهى بتقول بصدمة لا بنتي لا ، بنتي مماتتش، اكيد دي مش بنتي ، اكيد مش بنتي ، ووالدها الثانى الدموع تنزل من عينه وبيبكي بتأثر وحزن شديد ، انا بقى اللي ببقي مبرق و مش مصدق، مش مصدق ان دي سحر، رغم انها فعلا سحر، لكن مش بكون مدرك او مصدق انها ماتت، الدموع نزلت من عينيا زي الشلال، ويقرب عليها وانا بقول لا يا سحر ما تسبنيش لا حبيبتي، كل دا عشان زعلتك، اقولك علي حاجة، قومي وارجعي معايا وانا اوعدك مش هزعلك تاني، ارجوكي يا سحر قومي، قومي يا حبيبتي ، طيب قومي نتصالح طيب ،اوعي تسبينى من غير ما تسامحيني ، طابط المباحث اخدني المكتب بتاعه وهو بيحاول يهديني ، لكن انا كنت منهار، مكنتش حاسس بحاجة حواليا ، مش قادر استوعب اللي حصل ، مش قادر استوعب ان سحر خلاص ماتت ، ظابط المباحث لما شاف حالتى اضطر يسيبني شوية في مكتبوا علي ما اهدي، ساعات وانا مش حاسس بنفسي وببكي بتأثر وحزن شديد، لفي لحظة ادراك اني نسيت اسأل عن ابني، ابنى مالك مفيش حد قالنا عليه حاجة في اللحظة دي وقفت من مكانى ولقيت ظابط المباحث داخل عليا وبيقول اتمنى تكون هديت شوية 
خالد فين ابني مالك حضرتك ، هو كان معاها، ياتري غرق هو كمان ومات .
كنت بتكلم بتأثر وحزن شديد، وكنت خايف رد الظابط لما سألته على ابني، لكن رد عليا وقال احنا لقينا جنة مراتك لوحدها، لكن للأسف منعرفش ابنك راح فين ، يعنى الله اعلم هو فين ، بس انا كنت عايز اكلمك بخصوص موضوع مهم، بس انا كنت مستنيك تهدي وتسمعنى تقديرا لحالتك عشان اعرف اكلمك .
خالد يحرى اتفضل انا سامع حضرتك
الظابط ابو مراتك منهمك بأنك انت اللى عملت كده فى بنته سحر اللي هي مراتك. 
،مكنش عارف ارد أقولوا ايه ، لأن مكانش هاممنى حاجة، ولا هاممني اتهام حمايا، ظابط المباحث كمل كلامه وقال بس مفيش ادلة على اتهاموا دا، عشان كده اتهاموا ليك ملوش لزمة، وعشان كده مضطرين نفطش بيتك ، انا يقولك كده لأن الطب الشرعي اثبت إن مراتك غرقت فى الميه يفعل فعل فاعل، يعنى مش هي اللى رمت نفسها ولا انتحرت، لأن كان فيه إثار على هدومها وجسمها لحالة اعتداء عليها، معني كده ان في حد اعتدا عليها وبعدين رماها 
في الميه ، عشان كده والدها متهمك انك انت اللى عملت كده واخدت ابنك ومخبيه
، طبعا زي ما قلتك مفيش اي دليل على الكلام دا، وانا طبعا مقدر الظرف اللي انت فيه بس احنا مضطرين نفتش البيت بتاعك
خالد زي مانت عايز يا فندم. شوف شغلك ، بس ارجوكم اعرفوا ابنى فين ، ، انا كل اللى يهمني دلوقتى اني الاقي مالك ابني ، بعدها ادور على اللي عمل كده في مراتي، وساعتها انا اللي هاخد حقها بايدي . فى الوقت دا الظابط بيقرب من وبيقول افتكر البلد فيها قانون يا ياخدلك حقك ، احنا مش عايشين في غابة عشان تاخد حقك بايدك 
خالد والله عرفتوا تجيبوه حضرتك ببقى خير قدرك مرفوش يبقى انا بقي اولى يحق مراتى وهاعرف اجيبوا زي ما اجيبوا حتى لو هتحكموني بعدها بعد كده بنروح البيت انا و الشرطة عشان يفتشوا المكان ،