الفتاة المجهولة بقلم اسلام فرغلي

في حاجات لما تبقي مجهولة و مخفية افضل من انك تعرفها عشان لو عرفت حقيقتها بيبقي تمن معرفتك ليها حياتك ان تنتهي يعني احيانا الجهل بالحاجات بيبقي افضل من العلم بيها طيب ليه انا بقول كده ! هقول و احكي ليه بقول كده في منطقة من المناطق الصحراوية و الزراعية كان في حتة ارض لشاب ورثها عن ابوه الشاب دا قرر انوا يبني حتة الارض دي و يتجوز فيها بعد ما ساب البيت لأخواته و اخد حتة الارض دي بعد ما اخواته رفضوا انهم يخدوها كورث و دا بسبب انهم كانوا رافضين انهم يعيشوا في مكان زي دا جنب مقابر و صحرا و مفيش بيوت جنبك غير علي بعد اربيعين كيلوا بيت واحد المهم الشاب قرر انوا يبني الارض دي بس المشكلة انوا

ميملكش فلوس البُني و اخواته رفضوا انهم يساعدوه مكانش عارف يعمل ايه لكن في يوم وهو واقف في الارض دي و بيتكلم في تليفون مع واحد صحبه عن انوا يستلف منه فلوس و بعدين يبقي يسددها ليه لكن صحبه كان ردوا انوا مش معاه المبلغ اللي هو عايزوا لكن في لحظة و هو بيتكلم لقي في واحدة ست جت وقفت وراه و قالت انا مستعدة اساعدك و ابنيلك الارض دي و من غير ما اخد منك و لا ملين حاش التليفون من علي ودنه و هو باصص ليها و مستغرب من اللي سمعه قربت منه و قالت مالك مستغرب ليه ! انا بقولك هبنيلك الارض دي بتعتك و مش هاخد منك فلوس الشاب اتكلم وهو مستغرب و قال طيب و انتي هتكسبي ايه .. و لا هتعملي كده ليه من الاساس اتكلمت و هي بتلف حواليه و بتبص ليه بعنيها اللي شكلها مزودة الكحل عليها حبيتن و قالت عادي .. هتجوزك .. أيه رأيك ؟  
استغرب اكتر لما قالت كده و رد عليها وقال تتجوزيني ! 
اه اتجوزك .. أيه مش موافق !.
لا مش قصدي بس انا مستغربك .. انتي تعرفيني ؟ 
بص انا هقولك انا متغربة مش من هنا و مليش مكان اعيش فيه كنت بتدور علي حتة ارض اشتريها و ابنيها هنا و لقيتك بتتكلم بالصدفة و سمعتك انك عايز تستلف من الحد اللي بتكلمه فلوس علشان خاطر تبني الارض بتعتك فانا قررت اعرض عليكي اني ابنيها و نتجوز و نعيش سوي .. ها ايه رأيك ؟ .
وقف لثواني يفكر و مش عارف يرد عليها بأيه ! و بعدين اتكلمت هي و قالت فكر براحتك ..معاك يومين تفكر فيهم و لما تبقي جاهز ترد عليا ابقي تعالي هنا في نفس المكان و هتلاقيني موجودة قالت الجملة دي و كانت ماشية لكن الشاب اتكلم و قالها طيب مش معاكي رقم تليفون اقدر اكلمك عليه افضل بصة ليه و قالت زي ما قلتلك فكر ولما تكون جاهز ترد تعالي هنا و هتلاقيني الشاب روح البيت و بيفكر في اللي قالته ليه لكن الشاب مكانش عايز يفكر لوحدوا كلم صحابه و قالهم علي اللي حصل في واحد من صحابه قاله هي حلوة ؟ الشاب اتكلم وقال هي واخدة حقها في الجمال و سنها مش كبير هتلاقيها في اواخر العشرينات صحابوا كلهم ردوا عليه بجملة واحدة يا بختك دي فرصة امسك فيها بأديك و اسنانك لكن هو رد عليهم وقال