اسكربت عشقته ميكانيكية بقلم اسراء ابراهيم

لو محتاجة حاجة
نور كانت هترد بلهفة بس افتكرت قرارها وانها لازم متوهمش نفسها فردت بعملية
نور بجدية مصطنعة لا تمام يا باشمهندس لو في اي مشكلة قولي وانا احلهالك يعني
نوح باستغراب لا انا قولت اجي اسلم عليكي واطمن علي الشغل
نور بجدية متشكرة لسؤالك بس انا تمام والشغل الحمد لله عال اوي
كان نوح هيتكلم بس قاطتعته نرمين اللي دخلت عليهم بفرحة
نرمين بسعادة نووور انا مصدقتش لما نوح قالي انك بتشتغلي معاه وعشان كدة جيتلك مخصوص
نور بابتسامة ازيك يا انسة نرمين متشكرة انك جيتي عشاني
نرمين بحماس بتقولي ايه بس احنا اصلا خلاص بقينا صحاب ولا ايه 
نور بتلقائية طبعا ده شيئ يشرفني اتفضلو اقدملكم حاجة
نرمين بسعادة لا ميرسي نوح انت قولتلها عالخطوبة ولا لسة
نوح بابتسامة لا يا حبيبتي لسة انتي جيتي قطعتي الكلام كنت لسة هقولها اصلا
نور بتوتر احم مبروك ربنا يتمم بخير
نرمين بفرحة حبيبتي تسلميلي هستناكي بكرة بليل نور انا مليش صحاب كتير بليز هاتي اخواتك اللي حكالي عنهم نوح وتعالي اقفو معايا هستناكي اوك 
نور بابتسامة اكيد طبعا هجيبهم بكرة ان شاء الله واجيلك من اول النهار وهساعدك 
نرمين بفرحة بجد ميرسي اوي يا نور يلا باااي يلا يا نوح
مشيت نرمين ونوح بص لنور باستغراب وكان عاوز يسألها متغيرة ليه من ناحيته لكن هي اتهربت وسابته وراحت تشوف شغلها وهو مشي بهدوء وعقله مشغول 
تاني يوم كانت واقفة نور هي وملك وجني اخواتها في اوضة نرمين وبيساعدوها تلبس وكانو فرحانين ليها اوي ونرمين كانت سعيدة بيهم وحاسة انهم من عيلتها
ملك بابتسامة زي القمر يا نرمين يا بخته بيكي يا حبيبتي
نرمين بفرحة ربنا يخليكم ليا انا لو كان ليا اخوات بنات مكنوش عملو معايا اللي انتو عملتوه ده
نور بابتسامة متقوليش كدة احنا اهو اخواتك ومعاكي اي وقت يا حبيبتي
نرمين بفضول وانتي يا نور مش هتلبسي 
نور بابتسامة لا منا كدة لابسة اهو عادي يعني
نرمين برفض لا طبعااااا خدي البسي الفستان ده متخافيش ده جديد والله
نور بصدمة يا خبر لا طبعا انا مبعرفش البس فساتين
ملك برجاء لا والنبي يا نور البسيه ما اهو احتا لابسين فساتين عشان خاطرنا
نور برفض لا مش هعرف صدقوني انا كدة مرتاحة
نرمين بزعل مصطنع ماهو انتي لو انا مش هنزل والخطوبة هتبوظ وبراحتك بقي
نور بقلة حيلة لا خلاص هلبسه وامري لله
نرمين بحماس يلا وانا هعملك شعرك بنفسي
خلصت نور ولبست الفستان وكانت قمر اوي وخصوصا ان نرمين عملتلها ميكب رقيق مع شعرها القصير فكانت جميلة جدا
جني بانبهار ما شاء الله زي القمر يا نور
نور بخجل انا مش هعرف انزل كدة ابدا
نرمين بضحك اعتقد نوح مش هيعرفك يا نور
نور افتكرت نوح واتنهدت بحزن لانها فعلا كانت بدأت مشاعرها تنجذب ليه لكن هي وقفت ده عشان متعشمش نفسها وخصوصا اللي من وجهة نظرها زي القمر وتستاهل فعلا نوح 
كانت نازلة نرمين عالسلم ووراها نور وكان مستني نوح في اخر السلم تحت وعنيه متثبتة علي نور اللي اتفاجئ بشكلها اللي خلاه يتوتر ويتخطف اما نور فاتكسفت واتوترت لما عنيها جت في عيون نوح ونزلت وشها في الارض واول ما نزلت مشيت بعيد عنه ونرمين وقتها قربت من نوح اللي وسلمها لعريسها اللي كان مبهور بيها
نور كانت واقفة بعيد وبتدور علي اخواتها لانها مش شايفاهم بس اتفاجأت لما سمعت صوت نوح من وراها
نوح بتلقائية ممكن اعرف بتهربي مني ليه 
نور وهي بتلف بخجل وههرب منك ليه انا عارفة ان ده يومك واكيد مشغول
نوح باستغراب يومي ازاي بقي 
نور بصدمة ايه بجد انا كنت فاكراكم يعني اسفة انا معرفش
نوح بخبث افهم بقي من كدة ان هو ده سبب انك متغيرة عليا 
نور بتوتر ها لا طبعا انا اصلا مش متغيرة ولا حاجة حضرتك اللي فهمت كدة
نوح بثقة بس انا بعرف اقرأ اللي قدامي كويس اوي وانا متأكد انك متغيرة من امبارح انا بصراحة افتكرت انك مضايقة عشان جيتلك يعني اطمن عليكي
نور باندفاع لا خالص اصلا انا كنت افتكرتك نسيتني لانك قعدت شهر مبتجيش
نوح ابتسم بتلقائية فاتوترت نور وبصت في الارض بخجل وهي بتلعن غباءها
نور بتهرب انا هروح اشوف ملك وجني فين
نوح بتلقائية نور
نور رفعت عنيها وبصتله فسرح هو في عنيها
نوح ببحة مميزة انا مكنتش باجي عشان متفتكريش اني بستغل شعلك معايا عشان حاجة تانية لكن انتي مغبتيش عن بالي لحظة
نور قلبها كان بيدق جامد وكانت مكسوفة اوي ومش عارفة تقول ايه
نور بتهتهة اانا مقصدش انا يعني افتكرتك زعلان مني و بص انا هروح اشوف نرمين
جريت نور وهربت من عيون نوح اللي محاوطاها وهو ابتسم بتلقائية عليها وفضل متابعها بعنيه طول الحفلة 
بعد يومين كانت واقفة نور في مطبخها وهي متوترة اوي
ملك بابتسامة انا مش عارفة انتي متورتة اوي كدة ليه انتي عملتي الاكل كله والحلو كمان اهو فاضل بس تروحي تغيري هدومك عشان زمانهم علي وصول
نور بتنهيدة عندك حق يا ملك انا
هروح اغير ولو جم ابقي افتحي الباب ها
دخلت نور تغير هدومها وهي مش قادرة تمنع فرحتها انها هتشوف نوح وفرحتها لما قبل عزومتها هو ونرمين لبست وخلصت وكانت واقفة قدام المراية بتبص لنفسها لاول مرة بسعادة وهي مش شايلة هم ورددت براحة الحمد لله انتبهت نور لجرس الباب فخرجت تستقبلهم بس لما قربت من باب الشقة اتصدمت لما شافت معاذ ابن عمها قدامها
معاذ باعجاب ازيك يا نور انا قولت اسأل انا طالما مش بتسألي
نور بجدية اهلا يا معاذ معلش الشغل بقي واخد وقتيى
معاذ باستغراب شغل ايه ده وانا عرفت انك مش بتفتحي الورشة 
نور بجدية والله انا بشتغل في مكان تاني عشان الورشة مش جايبة همها واعتقد دي حاجة متخصكش
معاذ بتلقائية طيب مش هتقوليلي ادخل ولا هنفضل نتكلم من عالباب
نور بجمود لا معلش عشان احنا لوحدينا زي ما انت عارف لو في حاجة عاوز تقولها اتفضل
معاذ بضيق بقي كدة ماشي يا نور بس انا بجدد طلبي وبطلب ايديكي واهو انا اولي من اي غريب يتقدملك
كانت نور هترد بس نوح قاطعها ورد هو بغضب مكتوم من ورا معاذ طلبك مرفوض يا استاذ لان الانسة مخطوبة
معاذ بغضب انت مين ويعني ايه مخطوبة ومن امتي يا نور هانم ومن غير ما حد يعرف كدة طب بالنسبة لعمك ايه 
نور كانت مصدومة من اللي قاله نوح لكنها اكدت كلامه وده فرحو اوي
نور بجدية ايوة اتخطبت وانتو ملكوش عندي حاجة وعمي ده تللي بتقول عليه معرفناش لما لجأتله في
الديون اللي علينا وموقفش جمبنا احنا بنات اخوه وعشان كدة هو ميخصناش واتفضل بقي يا معاذ امشي لو سمحت
معاذ بتلقائية طب يا نور وانا قصرت في ايه منا بحاول دايما اقربلك وانتي بتصديني
نوح قبض علي ايديه بغضب وكان كلمة كمان ومش هيقدر يتحكم في نفسه
نوح بجدية لنور نور ادخلي جوة حالا
نور اتوترت وردت بطاعة حاضر يلا يا نرمين
فعلا نور اخدت نرمين والبنات ودخلو المطبخ يحضرو الاكل لحد ما شوية ودخل ليهم نوح
نور