انت,قام انثى ١
معقول تعملي فيا كدا؟ بتبيعيني عشان خاطر ريهام وأختها؟ وبفلوس أبويا؟
في نفس الوقت كانت صفية بتكمل كلامها
عايزين نبتدي نركز في الشغل بقى، وانا معايا حتتين دهب عيناهم اول ما الدنيا تمشي كدا هبقى ابيعهم و نوسع شغلنا. خلينا نكبر كدا و اسم الزناتي يرن في السوق.
غادة بمكر
بس يا ماما في حاجة لازم تعرفيها ريهام محلفاني متكلمش بس انتي عارفة اني مبقدرش اخبي عليكي حاجة.
صفية بلهفة
يا بت عيب دا انتي بتي. قوليلي مالها ريهام و زعلانه ليه؟ حكايات نورهان العشري
غادة
ريهام شايطة و على آخرها من موضوع قعدتها في الإيجار. بتقول أنا ليه مقعدش في بيت العيلة و اشيل ماما صفية. هي هناء أحسن مني في ايه؟
صفية بلهفة
فشر! مين دي اللي أحسن منها؟ صبرك عليا تعدي الأسبوع دا و هخلس ريهام تنقل في الشقة اللي فوق، وهناء دي ننزلها في الأوضتين اللي جنب المحلات أنا بس صابرة لحد ما نعدي موضوع ابوها دا و يهبط من ناحية الواد شوية. لكن وانا هسيب ريهام بردو!
هناء، ببرود غريب ومفاجئ، لفت ورجعت طلعت على السلم تاني.. ما دخلتش ولا واجهتهم. رجعت شقتها، حطت وبصت لنفسها في المراية.. عينيها اللي كانت مليانة دموع، دلوقت بقى فيها نار شبه النار اللي كانت في كلامها لما قالت
تمام يا عيلة غجر. المراد لسه ماتحققش، المراد هيتحقق لما أرميكم كلكم في الشارع، وأخليكم تعرفوا مين هي هناء المغفلة اللي ضحكتوا عليها. الصبر يا سامح.. الصبر واحد يا صفية. وهتتمنوا إنكم ما عرفتوش طريقي.
هناء طالعة تجري على السلم، مش شايفة قدامها، رجلها بتخبط
نورا فتحت الباب بذهول
هناء؟! في إيه يا بنتي؟ مالك؟ وشك أصفر كدة ليه؟!
هناء دخلت وارتمت في حضن نورا وهي بتترعش ومنهارة تماماً، صوت عياطها كان طالع بوجع يقطع القلب، ونورا بتحاول تهديها لحد ما قعدتها وشربتها مية.
هناء بشهقات متقطعة
باعوني يا نورا.. حماتي وسامح.. كلهم طلعوا بيمثلوا عليا. سامح اتجوز ريهام، أخت غادة سلفتي اتجوزها بفلوس بابا! وحماتي.. حماتي اللي كنت بقولها يا ماما، هي اللي مخططة ومرتبة كل ده.. سمعتهم بودني وهما بيضحكوا عليا وبيقولوا عليا مغفلة، وعايزين يرموني زي الكلبة تحت و ريهام تاخد شقتي.
نورا عينها برقت وهي بتقول
سمعتيهم؟ ازاي ؟
هناء ببكاء
كنت نازلة اشتكي للهانم حماتي اللي زارت بيت ربنا و سمعت كلامها مع غادة
نورا باستفهام
وأنتي عملتي إيه؟ دخلتي واجهتيهم؟
هناء بتمسح دموعها بقهر
لا، ماقدرتش.. رجلي شالتني وطلعت جري. أنا ضعت يا نورا، الفلوس بتوع بابا ضاعوا، وكرامتي اتداست بالرجلين.. أنا عايزة أموت و ارتاح!
نورا مسكت هناء من كتافها وهزتها بقوة
تموتي إيه يا هبلة أنتي؟ ده أنتي لازم تعيشي وتتفرجي عليهم وهما بياكلوا في بعض! اسمعيني يا هناء، اللي فات ده كوم واللي جاي كوم تاني خالص. الدموع دي مش هترجع مليم، ولا هتكسر مناخير حماتك. أنتي هترجعي دلوقت، وتمثلي إنك ماعرفتيش حاجة.. لا، ده أنتي هتمثلي إنك هبلة أكتر مما هما فاكرين!حكايات نورهان العشري
هناء باستغراب
يعني
نورا بابتسامة خبيثة
لا يا روحي.. أنتي هتقعدي و نخطط عشان نعرف نوري الناس دي أن الله حق
هناء بقهر
نفسي يا نورا نفسي احرق قلوبهم بس ازاي؟
نورا بتخطيط
بصي يا ستي. هنوهمهم أن أبوكي اتصرف في بيت البلد بتاعتكوا، و هيقسم الفلوس بينك وبين أختك بشرط انك تطلقي من سامح عشان نصب عليكي في الفلوس، أو يكتبلك ضمان زي البيت مثلا عشان أبوكي يرضى يديكي الفلوس، وأول ما دا يحصل تطرديهم طردت الكلاب
هناء باستفهام
طيب ماهو ممكن يفكر اني بضحك عليه، مفيش دليل.
نورا بحدة
يا هبلة افهمي. انتي مش هتقولي لسامح حاجة اصلا احنا هنتفق مع أبوكي على دا، انتي كل اللي عليكي تراقبي مجي سامح، و تعملي انك بتتكلمي في التليفون و تسمعيه الحوار و كأنه سمع من غير ما تاخدي بالك. لكن اياكي تروحي تقوليله، و بردو تكوني تحت عند حماتك و تعملي نفسك بتتكلمي من غير ما حد ياخد باله، و تشغلي المسكنة بقى. يا بابا النص مليون دول هيغيروا حياتي. حرام عليك يعني سامح اخد الفلوس تقوم تحرمني من ورثي. دا البيت دا آخر حاجة فضلالنا. وهكذا. واستني بقى شوفي سامح و حماتك هيعملوا ايه؟
هناء بلهفة
حاضر.
نورا بتخطيط
ثانياً بقى ريهام دي لازم تدخل الحكاية.. ريهام شاطرة وبتاعة فلوس، صح؟ أنتي هتروحي لسامح وتقوليله إنك شاكة إن فيه حد بيسرق من المخزن، وتخليه يشك في غادة و ريهام. اضربي عصفورين بحجر، خلي الشك يدخل بينهم.. الحرامية لما بيختلفوا، بيفضحوا بعض.
هناء عينها بدأت تلمع بانتقام
كملي يا نورا.. أنا
نورا بهمس
سامح طماع هتلاقيه يجري عليكي عشان يقش الفلوس اوعي تريحيه قوليله مفيش. و لو ضغط عليكي قوليله كفاية اللي خدناه بابا حالف ما يديني قرش غير لما تكتبلي البيت دا عشان يضمن حقي. و حالف على ماما بالطلاق. يعني مفيش فلوس اعتبر أن الفلوس اللي خدتها دي ورثي. وطبعا
هتقولي الكلام دا بانهيار وانا واثقة أن سامح وقتها هيعمل كل حاجة عشان ياخد الفلوس ماهو عمره ما يتخيل انك تكوني بتضحكي عليه لأنه مأمنلك و شايفك هو و أنه المغفلة، واول ما يكتبلك البيت و يسجله في الشهر العقاري، هتكوني مجهزة محضر تبديد ووصلات الأمانة اللي مع باباكي. وبمجرد ما البيت والمخزن يبقوا باسمك قانوناً، تواجهيه بجوازه العرفي، هيكون هو تحت ضرسك. لا حيلته بيت، ولا مخزن، ولا معاه فلوس يسدد لباباكي.. وساعتها ريهام أول واحدة هتسيبه وتجري، لأنها متجوزاه عشان فلوسه و وقتها بقى اعملي ما بدالك فيهم
هناء قامت وقفت، ملامحها اتغيرت تماماً، الوجع اتحول لبرود
يعني هطردهم كلهم في الشارع يا نورا؟
نورا بثقة
هترجعي حق باباكي، وتكسري مناخير حماتك اللي فاكرة نفسها ذكية، وتعرفي سامح إن المغفلة هي اللي هتلبسه البدلة الزرقا أن شاء.. ها؟ جاهزة؟
هناء بصت لنفسها في المراية وبصوت جليدي قالت
جاهزة.. والبادئ أظلم.
نورا
طيب استني، هبعتلك دلوقت رسالة فيها رقم محامي عقر من طرفي، تنسقي معاه العقود.. وام
سحي دموعك دي، الست اللي هتاخد حقها مابتعيطش.
هناء طلعت من عند نورا وهي حاسة إنها شالت جبل من على صدرها، و قررت انها مش هيصعب عليها
تابع الجزء الثاني بقلم نورهان العشري
